2012-ലെ ജ്ഞാനപീഠ പുരസ്‌കാരത്തിന് തെലുങ്ക് സാഹിത്യകാരന്‍ റാവൂരി ഭരദ്വാജ അര്‍ഹനായി. സവിശേഷമായ രചനാവൈഭവംകൊണ്ട് തെലുങ്കുസാഹിത്യരംഗത്ത് വ്യക്തിമുദ്രപതിപ്പിച്ച റാവൂരി, നോവലിസ്റ്റും ചെറുകഥാകൃത്തും കവിയും നാടകകൃത്തും വിമര്‍ശകനുമാണ്.
37 കഥാസമാഹാരങ്ങളും 17 നോവലുകളും നാല് നാടകങ്ങളും അഞ്ച് റേഡിയോനാടകങ്ങളും 86-കാരനായ റാവൂരി രചിച്ചിട്ടുണ്ട്. നിരവധി ബാലസാഹിത്യകൃതികളുടെയും രചയിതാവാണ്. ആറ് ലഘുനോവലുകളും അഞ്ച് കഥാസമാഹാരങ്ങളും ഇദ്ദേഹം കുട്ടികള്‍ക്കുവേണ്ടി എഴുതി. സിനിമാ വ്യവസായത്തിനുപിന്നിലെ ജീവിതങ്ങളുടെ കഥ പറയുന്ന 'പാകുഡു രാള്ളു' (ഉരുളന്‍ കല്ലുകള്‍) എന്ന നോവലാണ് റാവൂരിയുടെ മാസ്റ്റര്‍പീസ്. ജീവനസമരം, കാദംബരി, കൗമുദി, ഇന്‍പു തേര വേണുക തുടങ്ങിയവയാണ് ശ്രദ്ധേയകൃതികള്‍. മിക്കകൃതികളും ഇംഗ്ലീഷിലേക്കും ഇന്ത്യന്‍ഭാഷകളിലേക്കും വിവര്‍ത്തനം ചെയ്യപ്പെട്ടിട്ടുണ്ട്.
പ്രശസ്തകവി സീതാകാന്ത് മഹാപാത്ര അധ്യക്ഷനായ സമിതിയാണ് പുരസ്‌കാരം നിര്‍ണയിച്ചത്. പ്രസാദാത്മകമായ രചനാശൈലിയുടെ ഉടമയായ റാവൂരി, സാമൂഹിക പ്രതിബദ്ധതയോടെ മനുഷ്യനന്മ ലക്ഷ്യമാക്കി എഴുതിയ സാഹിത്യകാരനാണെന്ന് സമിതി വിലയിരുത്തി.
കവി ഡോ. സി.നാരായണ റെഡ്ഡിക്കും വിമര്‍ശകന്‍ വിശ്വനാഥ സത്യനാരായണയ്ക്കുംശേഷം രാജ്യത്തെ ഏറ്റവും വലിയ സാഹിത്യപുരസ്‌കാരം ലഭിക്കുന്ന തെലുങ്കു സാഹിത്യകാരനാണ് റാവൂരി.
ഏഴാംക്ലാസാണ് റാവൂരിയുടെ വിദ്യാഭ്യാസയോഗ്യത. എന്നാല്‍, അദ്ദേഹത്തിന്റെ പല രചനകളും ബിരുദ, ബിരുദാനന്തര വിദ്യാര്‍ഥികളുടെ പാഠപുസ്തകങ്ങളാണ്. റാവൂരിയുടെ കൃതികളെക്കുറിച്ച് ഗവേഷണങ്ങളും നടക്കുന്നു.
ലോക്‌നായക് ഫൗണ്ടേഷന്‍ അവാര്‍ഡ്, കേന്ദ്രസാഹിത്യ അക്കാദമി അവാര്‍ഡ്, സോവിയറ്റ് ലാന്‍ഡ് നെഹ്രു അവാര്‍ഡ്, തെലുങ്ക് അക്കാദമി അവാര്‍ഡ്, ബാലസാഹിത്യ പരിഷത് അവാര്‍ഡ്, രാജാലക്ഷ്മി സാഹിത്യപുരസ്‌കാരം തുടങ്ങിയവ അദ്ദേഹത്തിന് ലഭിച്ചു.
2013 തെലുങ്കുവര്‍ഷമായി ആചരിക്കുമ്പോള്‍ പ്രഖ്യാപിച്ച പരമോന്നത അവാര്‍ഡ് തെലുങ്ക്ഭാഷയ്ക്ക് ലഭിച്ച അംഗീകാരമാണെന്ന് ആന്ധ്രാപ്രദേശ് മുഖ്യമന്ത്രി കിരണ്‍കുമാര്‍ റെഡ്ഡി പ്രതികരിച്ചു.
2011-ലെ ജ്ഞാനപീഠ പുരസ്‌കാരം ഒറിയ സാഹിത്യകാരി പ്രതിഭാറായിക്കായിരുന്നു
37 കഥാസമാഹാരങ്ങളും 17 നോവലുകളും നാല് നാടകങ്ങളും അഞ്ച് റേഡിയോനാടകങ്ങളും 86-കാരനായ റാവൂരി രചിച്ചിട്ടുണ്ട്. നിരവധി ബാലസാഹിത്യകൃതികളുടെയും രചയിതാവാണ്. ആറ് ലഘുനോവലുകളും അഞ്ച് കഥാസമാഹാരങ്ങളും ഇദ്ദേഹം കുട്ടികള്‍ക്കുവേണ്ടി എഴുതി. സിനിമാ വ്യവസായത്തിനുപിന്നിലെ ജീവിതങ്ങളുടെ കഥ പറയുന്ന 'പാകുഡു രാള്ളു' (ഉരുളന്‍ കല്ലുകള്‍) എന്ന നോവലാണ് റാവൂരിയുടെ മാസ്റ്റര്‍പീസ്. ജീവനസമരം, കാദംബരി, കൗമുദി, ഇന്‍പു തേര വേണുക തുടങ്ങിയവയാണ് ശ്രദ്ധേയകൃതികള്‍. മിക്കകൃതികളും ഇംഗ്ലീഷിലേക്കും ഇന്ത്യന്‍ഭാഷകളിലേക്കും വിവര്‍ത്തനം ചെയ്യപ്പെട്ടിട്ടുണ്ട്.
പ്രശസ്തകവി സീതാകാന്ത് മഹാപാത്ര അധ്യക്ഷനായ സമിതിയാണ് പുരസ്‌കാരം നിര്‍ണയിച്ചത്. പ്രസാദാത്മകമായ രചനാശൈലിയുടെ ഉടമയായ റാവൂരി, സാമൂഹിക പ്രതിബദ്ധതയോടെ മനുഷ്യനന്മ ലക്ഷ്യമാക്കി എഴുതിയ സാഹിത്യകാരനാണെന്ന് സമിതി വിലയിരുത്തി.
കവി ഡോ. സി.നാരായണ റെഡ്ഡിക്കും വിമര്‍ശകന്‍ വിശ്വനാഥ സത്യനാരായണയ്ക്കുംശേഷം രാജ്യത്തെ ഏറ്റവും വലിയ സാഹിത്യപുരസ്‌കാരം ലഭിക്കുന്ന തെലുങ്കു സാഹിത്യകാരനാണ് റാവൂരി.
ഏഴാംക്ലാസാണ് റാവൂരിയുടെ വിദ്യാഭ്യാസയോഗ്യത. എന്നാല്‍, അദ്ദേഹത്തിന്റെ പല രചനകളും ബിരുദ, ബിരുദാനന്തര വിദ്യാര്‍ഥികളുടെ പാഠപുസ്തകങ്ങളാണ്. റാവൂരിയുടെ കൃതികളെക്കുറിച്ച് ഗവേഷണങ്ങളും നടക്കുന്നു.
ലോക്‌നായക് ഫൗണ്ടേഷന്‍ അവാര്‍ഡ്, കേന്ദ്രസാഹിത്യ അക്കാദമി അവാര്‍ഡ്, സോവിയറ്റ് ലാന്‍ഡ് നെഹ്രു അവാര്‍ഡ്, തെലുങ്ക് അക്കാദമി അവാര്‍ഡ്, ബാലസാഹിത്യ പരിഷത് അവാര്‍ഡ്, രാജാലക്ഷ്മി സാഹിത്യപുരസ്‌കാരം തുടങ്ങിയവ അദ്ദേഹത്തിന് ലഭിച്ചു.
2013 തെലുങ്കുവര്‍ഷമായി ആചരിക്കുമ്പോള്‍ പ്രഖ്യാപിച്ച പരമോന്നത അവാര്‍ഡ് തെലുങ്ക്ഭാഷയ്ക്ക് ലഭിച്ച അംഗീകാരമാണെന്ന് ആന്ധ്രാപ്രദേശ് മുഖ്യമന്ത്രി കിരണ്‍കുമാര്‍ റെഡ്ഡി പ്രതികരിച്ചു.
2011-ലെ ജ്ഞാനപീഠ പുരസ്‌കാരം ഒറിയ സാഹിത്യകാരി പ്രതിഭാറായിക്കായിരുന്നു
No comments:
Post a Comment